D'Lëtzebuerger Wäikinnigin 2023 - Loredana

Léif Frëndinnen a Frënn vum Maacher Drauwen a  Wäifest,

 

Mein Numm ass Loredana Belli, ech sinn 23 Joer al. Als Maacher Meedchen hunn ech natierlech vu kleenem un ëmmer mat Freed un all Drauwen a Wäifest deelgeholl. Ee Fest, wat den zweete Weekend am September ass, an wat ech ëmmer erëm gär mat meiner Famill a meine Frënn zesumme feieren.

 

Ech sinn amgaang mäi Bachelor an „Theater-, Film- und Medienwissenschaften“ op der Universitéit zu Wien ze maachen.

 

Ech hunn ëmmer schonn als Kand den Ëmzuch wonnerschéi fonnt, a wéi esou vill kleng Meedecher hat och ech den Dram vun der Kinnigin. An deen Dram gëtt den 8. September fir mech Realitéit fir ee Joar.

 

No meine Joaren als Prinzessin hunn ech dëst Joer d’Éier, d’Amt als Ambassadrice vum lëtzeborger Wäin, souwuel am In- ewéi och am Ausland, ze iwwerhuelen.

Zesumme mat meine Prinzessinnen, dem Anne-Catherine, dem Inês, dem Alina an dem Lynn, hoffen ech, e schéint Joar kënnen ze verbréngen, is zesummen op Fester kënnen ze ameséieren a vill kënnen mat Eech all zesummen ze prosten.

 

Mir gesinn is, wann Dir wëllt, den zweete Weekend am September. Bis dohin, genéisst all de Miseler Way of Life, drénkt deen een oder anere Pättche vun ise lëtzeborger Wënzer, esou wéi mein Prinzessinnen an ech et och bis dohi maachen.

 

Prost!

Loredana